कमलपूखुया जःखः कंक्रिट संरचना महानगरं थुनेयेगु ज्या रोके जुइ मखु येँ महानगरपालिकां कमलपूखुलि विस्तार योजना कथं महानगरीय प्रहरी वृत्त कमलपूखुया कार्यालय, कमलपोखरी स्पोर्टस् क्लबया भवन व राधे–राधेया सत्संग थुनेयेगु ज्या जूगु दु ।

थौं सनिलय् येँ महानगरपालिकां डोजर लगे याना थुनेय्गु ज्या जूगु दु । येँ महानगरपालिकाया मेयर प्रशासकीय अधिकृत राजेश्वर ज्ञावालीं कमलपूखुलि गुरुयोजना कथं कमलपूखुलि पुनर्निर्माण लागि उगु कंक्रिट संरचना थुनेयेगु धका जानकारी बियादीगु दु । ‘कमलपूखुया जःखः महानगरीय प्रहरी वृत्त कमलपूखुया कार्यालय, कमलपोखरी स्पोर्टस् क्लबया भवन व राधे–राधेया सत्संगक्लब भवन लगायतया संरचना दु,’ वयलकं धयादीगु दु, ‘जिमिसं पूर्व योजना कथं उगु संरचना थुनयेगु ज्या यानागु खः।’

ज्ञवालीं योजना कथं ज्या न्ह्याकेयेगु व अनया पूखु निर्माण यायेगु धका धयादीगु दु । ‘जिमिसं पूखुया जःखः दुगु महानगरीय प्रहरी वृत्तया भवन न थुनेयेगु ज्या जुइ,’ वयकलं धयादीगु दु, ‘आः प्यगू कूनय् हे सिँया कलात्मक मण्डप दयकेगु योजना दु । अन कंक्रिट छ्यले मखु । समान्य रुपं सिमेन्ट जक छ्यलिइगु ज्या जुइ ।’ ज्ञवालीं आः चर्चा याःगु कथं पूखुलि कंक्रिट संरचना दयेकेगु छु न योजना मदु धका दाबी यानादीगु दु।

लिपागु इलय् विघटित संसदया सांसद गगन कुमार थापां कमलपूखुलि म्वाःमदुगु खँ पिकागु धाःसे महानगरपालिकां पुनर्निर्माणया ज्या रोके मजुइगु चेतावनी बिःगु दु । मेयर शाक्यं छु दिं हे कमलपूखुलि पुनर्निर्माणबारे पत्रकार सम्मेलन याना जानकारी सत्य तथ्य जानकारी बिःगु धका धयादीगु दु । कंक्रिट संरचना भत्क. यायेवं सम्पदाप्रेमी सुशन बैद्य लगायत पिन्स कमलपूखुलि वःगु खः ।

Categorized in राष्ट्रिय