यल महानगरपालिकां ऐतिहासिक कात्तिक नाच संरक्षण समिति अक्षयकोष स्थापना यायेगु नितिं यात ५० लाख छगु ज्याझ्वः दथुइ हस्तान्तरण याःगु दु।

यल महानगरया मेयर चिरीबाबु महर्जनं समितिया अधक्ष्य किरण चित्रकारयात कात्ति प्याखं संरक्षणया लागि अक्षयकोष स्थापना यायेत रकम हस्तान्तरण याःगु खः । 

दच्छि न्ह्यः मेयर महर्जन छगु करोडया अक्षयकोष स्थापना याना बिइ धका बचन बियादीगु खःसा थुगु दँय् न्य्गु लाख बिया मेगु दँय् ५० बिइगु धका धयादीगु खः।

नेवाः पत्रकार राष्ट्रि«य दबूया महासचिव सुनिल महर्जन यल धइगु साँस्कृतिक रुपं बालागु थाय् खः थनया सम्पदा दयेके निति यल महानगर ध्यान बिइमा धका धयादीसे यल महानगर दयेकिइगु पाठक्रमय् कार्तिक प्याखं न दुथाकेत इनाप यानादीगु खः। अथेहे पत्रकार महर्जन यल महानगरपाकिाय् सम्पदा बिभागय् यलया सँस्कृति थुम्ह कर्मंचारी तयेमाः धका धयादीगु खः।वयकलं कातिंक प्याखय् दुथ्यापि कलाकार तयेगु भत्ताया ब्यवस्था याये माः धका धयादीगु खः।

उगु ज्याझ्वलय् कातिंक प्याखनय् बाराही व नरसिह द्ययात मुकुट नाप अक्षयकोषया निति झीगु लाख बिःगुलि यल महानगरपालिका १६ वडाध्यक्ष निर्मलरत्न शाक्ययात हने ज्या जुगु खः।

ललितपुर उद्योग बाणिज्य संघय् न्हुपि निर्वाचित मनोज बहादुर न्याछ्यं नेतृत्वया कार्यसमितिपिन्त लसकुस याःगु खः।

Categorized in राष्ट्रिय