नेपाःया सर्वमान्य नेता लिसें लौहपुरुष गणेशमान सिंहया १०६ क्वःगु बुदिंया लसताय् नेपाल तरुण दल क्षेत्र न. १ या ग्वसालय् जूगु क्षेत्रिय कासाय् स्तरया कासाय् ल्यू लाःपिं कासामिपिन्त भिंतुना लिसें  हना ज्याझ्वः क्वचाःगु दु ।

एच डि थ्रितिनया ग्वसालय् जूगु ज्याझ्वलय् कासाय् ल्यू लाःगु नेपाल तरुण दल क्षेत्र न. ८ या कासामिपिन्त भिंतुना देछाय्गुलिसें हंगु खः । ज्याझ्वलय् सभासद राज्यलक्ष्मी श्रेष्ठं कासामिपिन्त हनापौ लःल्हानादीगु खः ।

नुगः खँ तय्गु झ्वलय् सभासद श्रेष्ठ देशया प्रतिष्ठा थकाय्त कामामिपिनिगु तःधंगु योगदान दुगुलिं कासामिपिन्त माःगु सुबिधा बीत राज्यं कंजुस्याईँ यायमज्यूगु धयादिल ।

ज्याझ्वलय् येँ महानगरपालिका २० वडाया वडाध्यक्ष राजेन्द्र मानन्धरया नं उपस्थिती दुगु खः ।

Categorized in राष्ट्रिय