२०८० चैत्र १६, शुक्रबार

कोरोना भाइरसविरुद्धया खोप क्लिनिकल ट्रायल नेपालय् यायेगु तयारी

लहनान्युज | थिंंलागा द्धादशी ११४१, पुस २६ आइतवाः

कोरियाली कम्पनीं विकास याःगु कोरोना भाइरसविरुद्धया खोप क्लिनिकल ट्रायल नेपालय् याइग जुगु दु।

इन्टरनेसनल भ्याक्सिन इन्स्टिच्युट (आईभीआई) कोरियां विकास याःगु कोरोना भाइरसविरुद्ध खोप नेपालया शिक्षण अस्पताल महाराजगञ्ज व धुलिखेल अस्पतालय् क्लिनिकल ट्रायल यायेगु तयारी याःगु दु। थुगु खोप ट्रायलया विषय आः मन्त्रिपरिषदं स्वीकृति बिइवं छु वाःया दुने हे कोरोना भाइरसविरुद्ध आईभीआइया खोप क्लिनिकल ट्रायल सुरु जुइ।

परिषदया इथिकल बोर्ड न खोप क्लिनिकल ट्रायल सुरु यायेगु अनुमतिया लागि मन्त्रिपरिषदय् प्रस्ताव छ्वयेगु तयारी जुगु धका परिषदया सदस्य सचिवं धाःगु दु । परीक्षणया लागि १८ सय म्हेसित खोप बिइगु तयारी दु धका धाःगु दु। खोप ट्रायलया प्रमुख अनुसन्धानकर्ता डा लक्ष्मण श्रेष्ठ सहित डा दिव्या सिंह शाह लगायत नेपाली चिकित्सकपि खः।

Categorized in राष्ट्रिय