येँ महानगरय् थौं निसे भेरोसेल खोप बिइगु
रसिया श्रेष्ठ | दिल्लागा षष्ठी ११४१,साउन १४ बिहीवाः
येँ महानगरपालिकां थौं निसे हाकन कोराना भाइरस (कोभडि–१९) विरुद्धया भेरोसेल खोप बिइगु जुगु दु।
थ्व स्वया न्ह्यः खोपया न्हापागु मात्रा छुटे जुपि ५० दँ स्वया च्वय्यापि दक्को समूहया लागि थौं बिहीबाः निसे खोप बिइगु धका येँ महानगरपालिकां जानकारी बिगु दु।
महानगरपालिकाया ३२ गु वडाय् थौं सुथय् १० निसे ५ बजे तक खोप बिइगु जुगु खः। खोप काइपिन्स नागरिकताया प्रमाणपत्र, पासपोर्ट, सवारी चालक अनुमति पत्रमध्ये छु न प्रमाणपत्र यकेमाः।
