थिमिइ मोटरसाइकल दुर्घटनाय् छम्ह सित
बिकाश | थिंलागा द्वादशी ११४१ (२०७७ पौष २६) आइतबाः
मध्यपुर थिमिइ निगः मोटरसाइकल थवंथवय् न्यानाः जूगु दुर्घटनाय छम्ह सीगु दु ।
गठ्ठाघरय् प्रदेश ३–०२–०४ प ७३२४ नम्बरया मोटरसाइकल व बा.५३ प ९८६४ नम्बरया थवंथवय् न्याःबलय् छम्ह सीगु खः ।
दुर्घटनाय् प्रदेश ३–०२–०४ प ७३२४ नम्बरया मोटरसाइकल चालक ख्वपय् च्वनाच्वंम्ह उदयपुरया २२ दँया मनराज राईया मदुगु खः ।
दुर्घटनाय् घाःपाः जूम्ह राईयात वासः यायेत केएमसी अस्पताल सिनामंगल यंकूगु खःसा वासः यायेगु झ्वलय् अन हे वयकः मदुगु खः ।
दुर्घटनाय् घाःपाः जूम्ह छम्हेसित व हे अस्पतालय् वासः यानाच्वंगु दु ।
मोटरसाइकल व चालकयात प्रहरीं नियन्त्रणय् काःगु दु ।
Categorized in राष्ट्रिय