साबिक एमाले म्वाकेगु प्रधानमन्त्री केपी शर्मा ओलीया तयारी
सिल्लागा दशमी ११४१, फागुन २४ सोमबाः
प्रधानमन्त्री केपी शर्मा ओलीं साविक नेकपा एमालेया मुँज्या सःतेगु जूगु दु । म्हिगः बालुवाटारय् थः लिक्कया सांसदतनाप खँ ल्हाःसें ओलीं सर्वोच्च अदालतया फैसला कथं एमालेया मुँज्या सःतेगु धयादीगु दु ।
अदालतं ऋषि कट्टेलयात नेपाल कम्युनिष्ट पार्टी (नेकपा) ब्यूसां राजनीतिक रुपय् थुकिं देय्यात पाय्छि लँपुइ यंकीगु ओलीया ठहर खः ।
छुं दिंदुने एमालें दलया मुँज्या क्वचायेकाः न्हूगु राजनीतिक कोर्सबारे निर्णय यायेगु ओलीं धयादिल । राष्ट्रियसभाय् नेकपाया उम्मेदवार जुयाः निर्वाचित जूपिं सांसदत बारे विशेष निर्णय यायेगु ओलीं जानकारी बियादिल ।
उगु विशेष निर्णय धाःसा राष्ट्रियसभाया सांसद, प्रतिनिधिसभा, प्रदेशसभा व स्थानीय तहलय् उपनिर्वाचनपाखें त्याःपिं प्रतिनिधिपिन्त ल्यंकेगु बारे न्हूगु विधेयक हयेमालीगु जुइगु ओलीया धापू दु ।
नेकपाया एकतायात मान्यता मब्यूगुलिं आः थःगु मंका सरकार जूगु न प्रधानमन्त्री ओलीं दाबी यानादीगु दु । माओवादी केन्द्रं समर्थन लित काःसां विश्वासया मत मुंकेफइगु प्रधानमन्त्री ओलीया धापू दु ।
