स्पेनिस लिग फुटबलय् एथ्लेटिको मड्रिडं भियारियाल बुत, निगूगु थाय्या बार्सिलोनायात ५गू ल्याःखं न्ह्यःने
सिल्लागा द्वितीया ११४१, फागुन १७ सोमबाः
स्पेनिस लिग फुटबलय् शीर्ष थाय्या एट्लेटिको मड्रिडं निगूगु थाय्या बार्सिलोनालिसे ५गू ल्याःया अग्रता दयेकुगु दु ।
वंगु चान्हय् जूगु कासाय् भियारियालयात २–०या गोल अन्तरं ब्ुका एथ्लेटिकों उपाधि दावेदारी बल्लाकुगु खः ।
कासाय् एथ्लेटिकोयात त्याकेत हुँवा फेलिक्सं छगू गोल याःबलय् भियारियालया अल्फन्सो पेड्राजां छगू आत्मघाती गोल याःगु खः ।
कासा त्यागु नापं एट्लेटिकों २४गू कासां ५८गू ल्याः दयेकुगु दु । छगू कासा अप्वः म्हितूगु बार्सिालोना ५३गू ल्याः नापं निगूगु थासय् दु ।
३गूगु थाय्या रियाल मड्रिडया ५२गू ल्याः जूगु दु । रियालं नं बार्सिलोनां सिवें छगू कासा म्हो म्हितूगु दु ।
Categorized in कासा