साउथह्याम्पटनयात बुका लेष्टर सिटी एफ.ए कप फुटबलया फाईनलय्
चौलाथ्व सप्तमी ११४१,बैसाख ६ सोमवाः
साउथह्याम्पटनयात बुका लेष्टर सिटी एफ.ए कप फुटबलया फाइनलय् थ्यंगु दु ।
वंगु चान्हय् वेम्बले रंगशालाय् जूगु सेमिफाइनल कासाय् लेष्टर सिटी १–० या गोल अन्तरं त्यागु दु । साउथह्याम्पटन विरुद्धया कासाय् लेष्टर सिटीयात त्याकाबिइत केलेची इहिनाचों ५५गूगु मिनेटय् याःगु गोल हे निर्णायक जुल ।
लेष्टर सिटी ५२ दँ लिपा एफ.ए कप फुटबलया फाइनलय् थ्यंगु खः । थ्वयान्ह्यः सन् १९६९ य् उमिसं फाइनल यात्रा क्वजिउगु खः । लेष्टरं आः फाइनलय् चेल्सीलिसे धेंधेंबल्ला याइ ।
धेंधेंबल्लाया न्हापांगु सेमिफाइनल कासाय् म्यान्चेस्टर सिटीयात बुका चेल्सी फाईनलय् थ्यंगु खः ।
Categorized in कासा