लेस्टर सिटी व नापोली निगुलिं पुचः धेंधेंबल्लां पिहाँवन
सिल्लाथ्व त्रयोदशी ११४१, फागुन १३ बिहीवाः
लेस्टर सिटी युरोपा लिगं पिहाँवंगु दु । वंगु चान्हय् जूगु निगूगु लेगय् लेस्टर सिटी स्लाभिया प्रहानाप २–० गोल अन्तरं बूगु दु ।
न्हापांगु लेगय् निगुलिं पुचलं गोल यायेमफुत । निगूगु लेगय् २–० गोलं बुइवं लेस्टर लिगं पिहाँवनेत बाध्य जूगु दु ।
थुखय् नापोली न युरोपा लिगं पिहाँवंगु दु । वंगु चान्हय् हे जूगु लिपांगु ३२ या निगूगु लेग क्वचाःबलय् नापालो ग्रानाडानाप २–३ गोलं बूगु खः ।
घरेलु मैदानय् जूगु न्हापांगु लेगय् २–१ गोल अन्तरं त्याकूगु नापोली ग्रानाडाया मैदानय् २–० गोलं बूगु दु । थुकिया लिच्वः कथं नापोली युरोपा लिगं पिहाँवंगु खः ।
थुखय् म्यानचेस्टर युनाईटेड युरोपा लिग फुटबलया लिपांगु १६गूगु थासय् थ्यन । लिपांगु ३२ या निगूगु लेगय् रियल सोसीडाडनाप जूगु कासाय् न गोल यायेमफुत ।
गोल मयाःसें ज्वलिंज्वः कासा म्हितूगु खःसां समग्रय् युनाईटेडं ४–० गोलं त्याकूगु दु । आः वयाः युनाइटेड १६गूगु थासय् दु । न्हापांगु लेग त्याकूगु युनाईटेडं निगूगु लेगय् धाःसा गोल यायेमफुत ।
न्हापांगु लेग ४–० गोलं त्याकूगु युनाईटेड प्रि–क्वाटरफाइनलय् थ्यंगु दु ।
Categorized in कासा
