जनबहाः द्यःयात थौं धलीं लुईगु
राम डंगोल | पोहेलाथ्व अष्टमी ११४१, माघ ८ विहीबाः
येँया जनबहाः द्यःयात थौं धलीं लुईत्यंगु दु । येँया जनबहाः कनकचैत्य महाविहारय् थौं सनिलय् धलीं लुई्त्यंगु खः ।
हिन्दूतय्सं हरिहर व बौद्धपिन्सं आर्याअवलोकितेश्वरया कथं पूज्याइम्ह जनबहाः द्यःयात पौष शुक्ल हरेक दँया अष्टमीइ धलीं लुईगु चलन दु ।
नागढुंगा व चन्द्रागिरिया बिचय् च्वंग छगू पुखुलिं शाक्य व बज्राचार्य गुभाजुपिन्सं जल हया शोभा भगवतीया निर्मल तीर्थया जलय् ल्वाकाछ्याई ।
थुकि दुरु, घ्यः तकं ल्वाकछ्याना दयेकिगु जलं जनबहाः द्यःयात धलीं लुईगु प्रचलन दु ।
अथेला मनुतय्गु छदँ बराबर भगवानया छन्हू जुइगु मान्यता कथं हरेक दँया पुस महिनाय् विधिकथं महास्नान याइगु तलेजुया पुजारी उद्धव कर्माचार्यं न्ह्यथनादिल ।
