येँ महानगरपालिकां थःगु महानगर दुने सरकारी व निजी स्कुलय् ब्वंकेगु लागि तयार याःगु पाठ्यसफू ‘झीगु येँ देय्’ या १ व २ तगिंया पाठ्यसफू छपाई क्वचाये धुकुगु दु ।

अथेहे मेमेगु तगिंया सफू नं छपाईया लागिं तयारी जुयाच्वंगु दु । थुगु पाठ्यसफू ब्वंकेगु लागिं येँ महानगरं शिक्षकत नं भर्ना यायेगु तयारी यानाच्वंगु जूगु दु । येँ महानगरपाखे सामुदायिक स्कुलय् थुगु पाठ्यसफू ब्वंकेगु लागिं शिक्षकपि कायेत्यंगु खः ।

येँ महानगर दुने ९६ गू सामुदायिक स्कुलया लागिं १७० म्ह शिक्षक भर्ना यायेगु तयारी महानगरपाखे यानाच्वंगु दु । महानगर शिक्षा विभागपाखें जानकारी बिःगु कथं थौंकन्हय् दुने हे शिक्षकया लागिं सुचं पित बीइगु धका धाःगु दु ।

Categorized in राष्ट्रिय