म्यान्चेस्टर सिटी लगातार २० कासा त्यात, वेष्ट ह्याम २–१ बुत
लहनान्युज | सिल्लागा पारु ११४१, फागुन १६ आइतवाः
इंग्लीश प्रिमियर लिग फुटबलय् म्यान्चेस्टर सिटीं मदिक्क २०गू कासाय् जित चूलाकुगु दु ।
वंगु चान्हय् जूगु कासाय् वेष्ट ह्याम युनाईटेडयात बुका म्यान्चेस्टर सिटीं क्लबया निति अभूतपूर्व सफलता चूलाकुगु खः ।
कासाय् म्यान सिटीयात त्याकेत रुबेन डियास व जोन स्टोन्सं छगू छगू गोल याःगु खः । वेष्ट ह्यामया मिचेल एन्टोनियों छगू गोल याःगु खः ।
पेप ग्वार्डीयोलाया टोली म्यान्चेस्टर सिटीं प्रिमियर लिगय् वंगु डिसेम्बर १५ थुखे छगू ल्याः नं त्वफिकुगु मदु । ग्वार्डीयोलां सिटीया नितिं २सः व ७३गू मध्ये २सः कासा म्हितिगु दु ।
वंगु चान्हय्सिया कासा त्यागु नापं म्यान्चेस्टर सिटीं प्रिमियर लिग फुटबलया शीर्ष थासय् थःगु पकड क्वातूकुगु दु । २६गू कासां सिटीया ६२ गू ल्याः जूगु दु ।
छगू कासा म्हो म्हितूगु म्यान्चेस्टर युनाईटेड सिटी सिवें १३गू ल्याः नापं निगूगु थासय् दु ।
प्रिमियर लिगय् वंगु चान्हय् जुगु मेगु कासाय् एस्टन भिल्लां लिड्स युनाईटेडयात व वेष्ट ब्रोमं ब्राईटनयात १–० या गोल अ अन्तरं बुकुबलय् न्युकासल युनाईटेड व वुल्भरह्याम्पटन वान्डरर्सं १गू–१गू गोलया ज्वलिन्ज्वः कासा म्हितल ।
Categorized in कासा
