म्यानचेस्टर सिटीयात इंग्लिस प्रिमियर लिग फुटबलया उपाधि
कछलाथ्व पारु ११४१,बैसाख २९ बुधवाः
म्यानचेस्टर सिटीं इंग्लिस प्रिमियर लिग फुटबलया उपाधि त्याकुगु दु ।
वंगु चान्हय् जूगु कासाय् निगूगु थाय्या म्यानचेस्टर युनाईटेड लेष्टर सिटीलिसे २गू–१गूया गोल अन्तरं बुइधुंका सिटीं उपाधि त्याकुगु खः ।
सिटीं ३गू कासा ल्यं दनिबलय् हे उपाधि त्याकुगु खः । थ्व त्यागुलिसें सिटीं ५क्वःखुसिइ प्रिमियर लिगया उपाधि त्याकुगु खः । अथेहे लिपांगु ४दँ दुने सिटीं ३क्वःखुसिइ लिग त्याकुगु खः ।
निगूगु थाय्या युनाईटेड सिवें १०गू ल्याः च्वयेय् दूगु सिटीं ३५गू कासाय् ८०गू ल्याः मुंकुगु दु । युनाईटेडया ७०गू ल्याः जूगु दु ।
Categorized in कासा
