२०७८ बैशाख १, बुधबार

म्यानमारय् ३८ म्ह प्रदर्शनकारीपिन्त गोली कयेकल

लहनान्युज | सिल्लागाः षष्ठी ११४१, फागुन २० बिहीवाः

म्यानमारया सैनिक शासकविरुद्ध प्रदर्शनय् क्वहावःपिन्त सुरक्षाकर्मीं गोली क्यकूगु इलय् छन्हु हे ३८ म्ह सीइगु दु ।

सेनां सत्ता ल्हातय् काःगु इलय् निसे आःतक ५० प्रदर्शनकारीपिन्त स्याये धुकुगु दु। बुधवाः जक हे प्रदर्शनय् क्वहावःपि ३८ म्हेसित गोली क्यका स्यागु दु धका बीबीसीं धाःगु दु ।

म्यानमारया सेनां थ्व हे यही फेब्रुअरी १ तारिखय् शासन सत्ता ल्हातय् कया दँच्छिया लागि संकटकाल घोषणा याःगु खः ।

सेनां राष्ट्रपति विनमिन्ट, स्टेट काउन्सिलर आङ साङ सुकी नाप नेतापिन्त हिरासतय् काःगु खः । सैनिक ‘कू’या विरोधय् म्यानमारय् न्हिया न्हिथे तः तधःगु प्रदर्शन जुयावया च्वंगु दु ।

Categorized in अन्तर्राष्ट्रिय