२०७७ माघ ५, सोमबार

मन्त्रिपरिषदय् हेरफेर बिषय माघ ११ गते सुनुवाइ

लहनान्युज | थिंंलागा आमै ११४१, पुस २९ बुधवाः

सर्वोच्चं प्रतिनिधिसभा विघटन जुइ धुका मन्त्रिपरिषदय् थप नियुक्ति, हेरफेर वा कार्यविभाजन रोके यायेत माग यासे दायर याःगु रिट निवेदन ‘हेर्दाहेर्दै’ तया वइगु माघ ११ गते सुनुवाइ जुइ दु ।

न्यायाधीश विश्वम्भरप्रसाद श्रेष्ठ व सुष्मालता माथेमाया मंकाः इजलासय् म्हिगः सुनुवाइ जुयाच्वंगु इलय् ई अभावया कारण मेगु सुनुवाइया लागि वइगु माघ ११ गतेया लागि तोके याःगु दु। थ्व स्वया न्ह्यः पुस २० गते न्यायाधीश अनिलकुमार सिन्हाया एकल इजलासं सरकार नाप लिखित लिसः माग यासे म्हिगः छलफलया लागि निगु पक्षयात सःतिइगु आदेश जारी याःगु खः।

राष्ट्रपति कार्यालय शीतल निवास, प्रधानमन्त्री व मन्त्रिपरिषदया कार्यालययात विपक्षी दयेका वरिष्ठ अधिवक्ता दिनेश त्रिपाठी व अधिवक्ता लोकेन्द्रबहादुर ओली, केशरजङ्ग केसी, दिनेश लामिछाने न प्रतिनिधिसभा विघटन जुइ धुका मन्त्रिपरिषद् विस्तार मयायेगु माग यासे रिट निवेदन दायर याःगु खः।

Categorized in राष्ट्रिय