म्यान्चेस्टर युनाईटेड ५गूगु झ्वलय् थ्यन
पोेहलाथ्व द्वादशी ११४१, माघ १२ सोमबाः
लिभरपुलया बुकाः म्यान्चेस्टर युनाईटेड एफए कप फुटबलया ५गूगु झ्वलय् थ्यंगु दु । थःगु ख्यःलय् वंगु चान्ह्य जूगु कासाय् म्यान्चेस्टर युनाईटेडयात ३–२ गोलं त्याकेत ब्रुनो फर्नान्डेजले फ्रि–किकं निर्णायक गोल यात ।
थ्वसिबेंन्ह्यः लिभरपुलया मोहोमद सलाहं २ गोल याःगु खः । म्यान्चेस्टर युनाईटेडया मेसन ग्रिनउड व मार्कस रास्फोर्डं १–१ गोल याःगु खः ।
त्यायेधुंका म्यानचेस्टर युनाईटेडं वेष्ट ह्याम युनाईटेड विरुद्धया ५गूगु झ्वया कासा चूलाकूगु दु ।
एफए कपया मेगु कासाय् चेल्सीं लुटन टाउनयात ३–१ गोल बुकलसा लेष्टर सिटीं ब्रेन्टफोर्डयात ३–१ या जित पिकात ।
अथेहे शेफिल्ड वेनस्डेयात ३–० नां एभर्टन त्याकूगु दु । अथेहे फुल्हमयात ३–०नां बुका बर्न्ले नं एफ.ए कप ५गूगु झ्वया कासाय् थ्यंगु दु ।
