प्रिमियर लिगय् सिटी १० ल्याखं न्ह्यने
सिल्लाथ्व षष्ठी ११४१, फागुन ६ बिहीवाः
इंग्लीश प्रिमियर लिग फुटबलय् म्यान्चेस्टर सिटीं एभर्टनयात ३–१ गोलं बुकाब्यूगु दु । एभर्टनया ख्यलय् जूगु कासाय् पाहां टोली म्यान्चेस्टर सिटीयात त्याकेत फिल फोडेन, रियाद माहारेज व बर्नार्डो सिल्भां १÷१ गोल यात ।
एभर्टनया रिचार्लिसनं १ गोल लितबिल । कासा त्याःगुलिसें म्यान्चेस्टर सिटीं ल्याः धलखय् निगूगु थाय्या म्यान्चेस्टर युनाईटेडलिसे १० ल्याःया अग्रता दयेकूगु दु ।
२४ कासां सिटीया ५६ ल्याः दुसा निगूगु थाय्या म्यानचेस्टर युनाइटेड व स्वंगूगु थाय्या लेष्टर सिटीया ज्वलिंज्वः ४६–४६ ल्याः दु ।
Categorized in कासा
