म्यान्चेस्टर युनाईटेड व लिभरपुलया कासाः ज्वलिंज्व
डंगोल | पोहेलाथ्व पंचमी ११४१, माघ ५ सोमवाः
इंग्लीश प्रिमियर लिग फुटबलया शिर्ष थाय्या म्यान्चेस्टर युनाईटेडं साविक त्याकूमी लिभरपुललिसें ज्वलिंज्वया कासा म्हितुगु दु ।
लिभरपुलया ख्यःलय् जूगु वंगु चान्ह्य्या कासाय् गोल मजूसे ज्वलिंज्वया कासा म्हितुगु खः । कासां १–१गू ल्याः इना म्यान्चेस्टर युनाईटेडं धलःया शिर्ष थासय् थःगु पकड बल्लाकल ।
लिभरपुलं धाःसा थ्व ज्वःलिंज्व धुंका प्यंगूगु थासय् थ्यंगु दु । १८गू कासां म्यान्चेस्टर युनाईटेडया ३७गू ल्या जूगु दुसा लिभरपुलया ३४गू ल्याः जूगु दु ।
१७गू कासां ३५गू ल्या थपू याःगु म्यानचेस्टर सिटी निगूगु थासय् थहाँवंगु दु । ३५ ल्याः दयेकुगु लेष्टर सिटी गोल अन्तरया लिधंसाय् ३गूगु थासय् कुहाँवंगु दु ।
म्यान्चेस्टर सिटीं वंगु चान्ह्य क्रिष्टल प्यालेसनाप ४–०लिं कासा त्याकूगु दु । कासाय् म्यान सिटीया लागि जोन स्टोन्सं निगू गोल याबले इके गुन्डोगान व राहिम स्टर्लीङं छगू छगू गोल यात ।
वंगु चान्ह्ये हे जूगु मेगु कासाय् टोटनह्याम हट्सपरं शेफिल्ड युनाईटेडया ३–१गूलिं बुकल । टोटनह्यामया सर्जी औरिएर, ह्यारी केन व दोम्बेलें छगू छगू गोेल याना त्याकुगु खः ।
Categorized in कासा
