दाहाल–नेपाल पुचःलं जनयुद्ध दिवस हनिगु
सिल्लाथ्व द्वितिया ११४१, फागुन १, शनिबाः
नेपाल कम्युनिष्ट पार्टी (नेकपा) दाहाल–नेपाल पुचःलं जनयुद्ध दिवस हनिगु जूगु दु । तत्कालीन माओवादीं न्ह्याकुगु १०दँया सशस्त्र ल्वापुयात लुमंकुसें थौं जनयुद्ध दिवस हनेत्यंगु खः ।
फुक्क जिल्लायात नं जनयुद्धया दिवसया लसताय् शहीद स्मृति अले हना ज्याझ्व यायेत सर्कुलर छ्वगु दाहाल–नेपाल पुचःलं न्ह्यथंगु दु ।
येँय् शहीद स्मृति लिसें ज्याझ्व जुइत्यंगु दु । उगु ज्याझ्वस थी थी आन्दोलन व जनयुद्धय् शहीद जूपिनि लुमन्तिइ सभा जुइगु न्ह्यथंगु दु ।
ज्याझ्वस नायः दाहाल दुथ्यागु जूसा नं मेम्ह नायः माधव नेपाल धनकुटाय् दूगुलिं दुमथ्याइगु नेतातयेसं धाःगु दु ।
थुखे प्रधानमन्मन्त्री केपी शर्मा ओली पुचःलं धाःसा दिवसया लसताय् छुं न औपचारिक ज्याझ्व ग्वसाःग्वःगु मदु ।
Categorized in राजनीति
