मिस एण्ड मिस्टर थारुया ताज लिभा व प्रशान्तं त्याकल
लहनान्यूज | चिल्लाथ्व पुन्ही ११३१, चैत्र १५ आइतबाः
स्वंगूगु संस्करणया मिस थारु २०२१ या उपाधि लिभा चौधरी थारुं त्यादिगु दु । चितवनया खैरहनीइ क्वचाःगु ग्राण्ड फिनाली १६म्ह प्रतिस्पर्धीयात ल्यूने लाका लिभां उपाधि त्याकूगु खः ।
ज्याझ्वलय् मू निर्णायक मिस नेपाल वल्र्ड २०१९ या त्याकुमि अनुस्का श्रेष्ठ न्यंगु न्ह्यसःया बाँलाक्क लिसः बिया उपाधि त्याकेत ताः लाःगु खः ।
त्याकुमि लिभायात निक्वःगु संस्करणया मिस थारी आकृति चौधरीं ताज पुइकाब्यूगु खः । अथेहे धेँधेँबल्लाखय् सुनसरीया श्रुति गच्छदार फस्ट रनरअप, सुनसरीया हे लक्ष्मी चौधर सेकेण्ड रनर अप जुयादिल ।
अथेहे बेस्ट फोटोजेनिक नेहा चौधरी, वेस्ट ट्यालेन्ट प्रतिभा चौधरी, वेस्ट कच्लर पिरप्रेजेन्टिटिभ सोनु चौधरी, वेस्ट डिसिपिलिन लिभा चौधरी थारी, वेस्ट वाक प्रतिभा चौधरी, खल्ती पब्लिक च्वाइस र बेस्ट पर्सानालिटिया अवार्ड श्रुति गच्छदारं त्यादील ।
ज्याझ्वलय् स्वंगूगु संस्करण्या मिस्टर थारु २०२१ या उपाधि प्रशान्त हुजदारं त्यादिगु दु । १४म्ह प्रतिस्पर्धीपिन्त लिउने लाका प्रशान्तं थुगुसीया ताज पुइत ताःलाःगु खः ।
ज्याझ्वलय् निर्णायक मण्डलं न्यंगु “मिसापिन्सं थीथी पंग व हाथ्या फयेत बाध्य जुयाच्वंबलय् मिसतय्सं गुजागु पंग व हाथ्या फयेमा ? धैगु न्ह्यसःया लिसः बिया प्रशान्तं उपाधि त्याकूगु खः ।
