माउन्ट केटुया विश्व कीर्तिमानी आरोहीपिं लिहाँवल, तःजिक लसकुस
राम डंगोल | पोहेलाथ्व त्रयोदशी ११४१, माघ १३ मंगलवाः
हलिंया हे निगूगु तःधंगु हिमाल माउन्ट केटुया सुथांलाक्क आरोहण याना नेपाःया पर्वतारोहण टोली लिहाँवःगु दु । उमित त्रिभुवन अन्तर्राष्ट्रिय विमानस्थलय् तःजिक्क लसकुस यात ।
१०म्ह नेपाली पर्वतारोही पुचःलं हलिंया हे निगूगु तःधंगु हिमाल केटु आरोहण याना विश्व रेकर्ड दयेकूगु खः । उमिसं थ्वहे माघ ३ गते हिमालया सुथांलाक्क आरोहण याःगु खः ।
उमिसं ८ द्वः ६ सः व ११गू मिटर तःधंगु हिमाल आरोहण याःगु खः । केटु हिमाल आःतक्क चिकूगु ईलय् सुनानं गयपूmगु मदुनि ।
पाकिस्तान व चीनया सीमानाय् च्वंगु थ्वः हिमाल पर्वत श्रृंखलाय् लानाच्वंगु दु । केटु ८ द्वः सिबें अप्वः तज्जाःगु हलिंयाहे १४गूगु हिमालयमध्ये छगू खः ।
थ्वः हिमाल सर्वोच्च शिखर सगरमाथासिबें २३७ फुति ८–६ मिटर म्हो खः । अमेरिकी पर्वतारोही जर्ज बेलं सन् १९५३ केटु हिमाल आरोहण याःसां सफल धाःसा मजूगु खः धासा वय्कया मृत्य जुईधुंकल ।
केटु गयेत नेपाली पर्वतारोहीया प्यंगूगु टोली वंगू खः गुकि ६०म्ह मनुतय्गु ब्वति दूगु खः । लिपांगु १०म्हेसिन जक सुथांलाक्क हिमाल गयेत सफल जूगु खः ।
न्हांपखुसी सन् १९८७ निसें १९८८इ छुं पर्वतारोहीं केटु हिमाल गयेत कोसिस याःसां आःतक्क ७ द्वः ६ सः ५०गू मिटरसिबें च्वये गयेपूmगु मदुनि ।
