मेयर ११ यात १०३ रन बुका पुलिस फाइनलय्
सिल्लागा द्धादशी ११४१, फागुन २६ बुधवाः
मेयर ११ टिमयात १०३ रनं बुका पुलिस थुगुसीया मेयर कप क्रिकेटया फाइनलय् थ्यंगु दु ।
किपूया क्रिकेट कासा ख्यःलय् टस बुना ब्याटिङ याःगु पुलिसं ४७ ओभर, प्यंगु बलय सच्छि व ९७ रनय् अल आउट जुल । बाँलागु सुरुवात याःगु पुलिसं न्हापांगु विकेटया नितिं ५६ रनया साझेदारी यागु खः । तर उमिसं स्वंगु विकेट धाःसा अपूक हे छ्वय्माल ।
कासाय् सुनिल धमला २२ रनय् आउट जुल । अनिल शाह ६ रनय् पेभेलियननय् लिहाँवल । अथेहे कुशल भुर्तेलं नं ३४ रनय् आउट जुइमाःबलय् ७५ रनय् स्वंगु विकेट छ्वय्माल । अथेहे दिपेन्द्रसिंह ऐरीं २४गू रनया योगदान विल धाःसा योगेन्द्र सिंह कार्की ४०गू रन थपू यात । अथेहे दिलिप नाथं १२ रन, पवन सराफं २८गू रन दयेकल ।
पुलिसं सच्छि व स्वंगु रन याबले प्यंगु विकेट छ्वय्माल । मेगु ९४गू रन दयेकेवं दक्व विकेट वन । बलिङपाखे सन्दिप लामिछाने व विपिन कार्कीं लिसें हरिशंकर शाहं स्वंगू स्वंगु विकेट काःगु खः ।
लिसलय् सन्दिप लामिछाने कप्तान जुयादीगु मेयर एघारं ३१गू ओभर निग बलय् ९४ रन जक दयेका अलआउट जूगु खः । बाँमलाक्क कासाः न्ह्यज्यागु मेयर ११ टिमया ७गू जक काबलये छगू विकेट वंगु खः । ओपनर हरिशंकर शाहं न खाता चायेके मफुत । अथेहे खड्क बोहोरा ८गू रनय् आउट जुल ।
वयांलिपा टिमया स्कोर १७ रन जुबलय् सन्दि रजाइली छगू जक रन हे आउट जुल । अथेहे सौरभ खनाप ५ रन, रविन्द्र शाही ६गू रन हे आउट जूगु खः ।
वयालिपा कप्तान सन्दिप लामिछाने व कृष्ण कार्की दथुई ३५गू रनया साझेदारी जूगु खः । तर कृष्ण १९गू रन व सन्दिप २६ रनय् आउट जुसेंलि मेयर ११ पुलिस लिसे बुइमाल ।
