कांग्रेस नेता जोशीयात सरकारपाखें १०गू लखः ग्वहालि
लहनान्यूज | चौलाथ्व षष्ठी ११४१, चैत्र ६ शुक्रवाः
नेपाली कांग्रेसया नेता लिसें पुँलाम्ह मन्त्री नवीन्द्रराज जोशीयात वासः यायेया नितिं सरकारं १०गू लखः ग्वहालि याइगु जूगु दु ।
उपप्रधानमन्त्री ईश्वर पोखरेलं थौं सुथय् थापाथलीया नर्भिक इन्टरनेशनल हस्पिटलय् वासः यानाच्वम्ह जोशीया स्वास्थ्य अवस्थाया जानकारी कासें छेँजपिन्त उगु ग्वहालि यायेगु भलसा बियादीगु खः ।
उपप्रधानमन्त्री पोखरेलयात अस्पतालया चिकित्सकपिन्सं नेता जोशीया लिपांगु स्वास्थ्य अवस्था बारे जानकारी यानादीगु खः । वंग्ु फागुन १४ गते मष्तिष्कघात जुया नर्भिक इन्टरनेशनल अस्पतालय् भर्ना जुयादिम्ह नेता जोशीयात भेन्टिलेटरय् तया वासः यानाच्वंगु दु ।
सुरुया छुं दिं उसाँयया अवस्थाय् बाँलानावसेंलि वार्डय् तया वासः याःगु खः तर स्वास्थ्य अवस्था हाकनं बाँमला वसेंलि हाकनं भेन्टिलेटरय् हे तया उपचार न्ह्याकाच्वनागु अस्पतालं न्ह्यथंगु दु ।
जोशीया आःया अवस्था नं गम्भीर हे दूगु उपचारय् दुथ्यानाच्वंम्ह वरिष्ठ न्यूरो सर्जन डा. राजीव झा नं जानकारी बियादिल ।
