रुसी विपक्षी दलया नेता नाभाल्नी आमरण अनसनय्
चिल्लागा चर्तुर्थी, ११४१, चैत्र १९ गते विहीबाः
रुसी विपक्षी दलया नेता अलेक्सी नाभाल्नीं कारागारय् हे आमरण अनसनया घोषणा यानादीगु दु । थःगु उँसाय् स्यनेधुंका नं पाय्छि वासः यायेगुया व्यवस्था मजूगु धका नाभाल्नी अनसनय् च्वनादीगु बीबीसीं न्ह्यथंगु दु ।
जँ व पुलिइ समस्या जूसा नं वासः यायेगु व्यवस्था मजूगु धका वयेकलं कारागार प्रशासनया तकं कुँख्यनादीगु दु । ४४ दँया नाभाल्नी वंगु अगस्टय् जर्मनीं लिहाँवयेधुंका कारागार चलान जूगु खः ।
नाभाल्नीयात राजधानी मस्को लिक्कसं दूगु कारागारय् तयातःगु दु । तर कारागारया सुरक्षा अधिकारीपिन्सं धाःसा नाभाल्नीं वासः यायेत अस्वीकार याःगु दाबी याःगु दु ।
नाभाल्नीया द्वपंया सरकारी अधिकारीतयेसं तकं अस्वीकार याःगु दु । रुसी राष्ट्रपति भ्लादिमीर पुटिनया कडा आलोचक नाभाल्नीयात वंगु लाय् छगू अपहरणया मुद्दाय् निदँ व ८लाया कारावास सजायँ न्यंकुगु खः ।
थुखे थी थी मानवअधिकारवादी संस्थातयेसं धाःसा नाभाल्नीया नितिं क्वजिउगु सजाय राजनीतिक प्रतिशोधया हुनिं जूगु धका पुटिन सरकारया कुँख्यनावःगु दु ।
Categorized in अन्तर्राष्ट्रिय
