२०७७ माघ १२, सोमबार

कांग्रेसं प्रतिनिधिसभा विघटन विरुद्ध थप ज्याझ्वः घोषणा याइगु

लहनान्युज | थिंलागा चतुर्थी ११४१, आइतवाः १९ गते

नेपाली कांग्रेसं प्रतिनिधि सभा विघटनया विरोधय् आन्दोलनया थप ज्याझ्वः घोषणा याःगु दु। थौं आइतवाः च्वुं पार्टी कार्यालय सानेपाय् केन्द्रीय समिति बैठकं प्रधानमन्त्री केपी शर्मा ओलीया सिफारिसय् राष्ट्रपति विद्यादेवी भण्डारीं वःगु पुस ५ गते याःगु प्रतिनिधि सभा विघटन विरोधया आन्दोलन थप ज्याझ्वः घोषणा याःगु दु।

केन्द्रीय समिति बैठकं पुस २५ गते ३३० प्रदेश सभा निर्वाचन क्षेत्रय् विरोध प्रदर्शन यायेगु, माघ ३ गते ७५३ पालिकाय् विरोध प्रदर्शन यायेगु, माघ ८ गते पालिकाय् ६ हजार ७४३ गु वडाय् विरोध प्रदर्शन नाप सभाया ग्वसाः ग्वयेगु निर्णय याःगु दु । जिल्ला समितिं थःगु अनुकूलताय् व पार्टीया भातृ नाप शुभेच्छुक सङ्गठनपिन्स थःथःपिनिगु आवश्यकता व अनुकूलताय् जिल्ला समिति नाप समन्वय याना ज्याझ्वः यायेगु बैठकं निर्णय याःगु दु।

अथेहे उगु बैठकं २०७५ कात्तिक २० गते उपसभापति विमलेन्द्र निधिया संयोजकत्वय् मेमेगु राजनीतिक दलपाखे कांग्रेसय् प्रवेश याइपिन्त समायोजनया नितिं समिति तयार याःगु प्रतिवेदन बैठकं अनुमोदन याःगु धका नेपाली कांग्रेसं प्रवक्ता शर्मा धका धाःगु दु।

Categorized in राजनीति