नेपाली कांग्रेस केन्द्रीय समितिया बैठक थौं च्वने त्यःगु दु। पार्टी कार्यालय सानेपाय् न्हिनसिया १ बजे च्वनेत्यःगु दु ।

उगु बैठकं पार्टीया १४ क्वःगु महाधिवेशनया तयारी व संसद विघटनविरुद्धया आन्दोलनबारे सहलह जुइत्यःगु खः । प्रतिनिधिसभा विघटनविरुद्ध आन्दोलन यायेगु कि अदालतया निर्णय पिइगु धइगु अलमलया दथुइ थुगु केन्द्रीय समिति बैठकपाखे आन्दोलनया थप न्यााझ्वः याना वनेमाःगुलि यक्का नेतापिनिगु धाःपू दु।

वरिष्ठ नेता रामचन्द्र पौडेल, महामन्त्री शशांक कोइराला, पूर्वमहामन्त्री कृष्णप्रसाद सिटौला लगायतया नेतापि आन्दोलनया पक्षय् दु। केन्द्रीय समिति बैठकया इलय् देउवा इतर समूहया नेतापि बैठक मंगलवाः केन्द्रीय समितिया बैठकपाखे आन्दोलनया ज्याझ्वः सार्वजनिक यायेत सभापति देउवायात दबाव बिइगु निष्कर्ष पिकागु दु।

सभापति देउवां संसद विघटनया मुद्दा सर्वोच्च अदालतय् विचाराधिन जुया च्वंगु इलय् आन्दोलनय् वनेयेग् उपयुक्त मजुइगु धका धाःगु खः।

Categorized in राजनीति