नेपाल क्रिकेट संघ क्यानं थौंनिसें निगूगु चरणया बन्द प्रशिक्षण न्ह्याकूगु दु । ओमानय् मार्चय् जुइगु धाःगु धेंधें बल्लाः कोरोनाया हुनिं स्थगित जूसां क्यानं बन्द प्रशिक्षण धाःसा न्ह्याकातयेगु न्ह्यथंगु दु । न्हापांगु चरणया बन्द प्रशिक्षणय् ३२ कासामि तःगु क्यानं निगूगु चरणय् धाःसा २० कासामियात जक दुथ्याकूगु दु । आपाःथे ल्याय्म्ह कासामित निगूगु चरणया प्रशिक्षणय् दुमथ्याः । उगु धलः कथं थ्वयां न्ह्यः ३२म्हय् मलाःम्ह बसन्त रेग्मी २०म्हया धलखय् धाःसा दुथ्याःगु दु । प्रधानमन्त्री कप एक दिवसीय क्रिकेटया इलय् घाःपाः जूम्ह आरिफ शेखया थासय् बसन्तयात तःगु धाःगु दु । निगूगु चरणय् ज्ञानेन्द्र मल्ल, पारस खड्का, दीपेन्द्र सिंह ऐरी, विनोद भण्डारी, सोमपाल कामी, करण केसी, सन्दीप लामिछाने, शरद भेषावकर व कुशल मल्लयात तःगु दु । अथे हे, अविनाश बोहोरा, कमलसिंह ऐरी, आशिफ शेख, सुशन भारी, कुशल भुर्तेल, ललित राजबंशी, विक्रम शोव, सन्दीप जोरा, पृथु वास्कोटा, सहाव आलम व बसन्त रेग्मी नं बन्द प्रशिक्षणय् दुथ्यानाच्वंगु दु ।