भारत भ्रमणय् दीम्ह परराष्ट्रमन्त्री ज्ञवाली व विदेशमन्त्री एस जयशंकर दथुई थौं सहःलहः जूइगु
डंगोल | पोहेलाथ्व द्धितीया ११४१, माघ २ शुक्रवाः
३न्हूया भारत भ्रमणय् दीम्ह परराष्ट्रमन्त्री प्रदीप ज्ञवालीं थौं थः समकक्षी भारतीय विदेशमन्त्री एस जयशंकरलिसे नापलानादीगु जूगु दु ।
नेपाल–भारत परराष्ट्रमन्त्रीस्तरीय संयुक्त आयोगया मुँज्याय् दुथ्यायेत दिल्ली थ्यंकादीम्ह मन्त्री ज्ञवालीं नेपाल भारत बहुआयामीक विषयस सहलह जुइगु परराष्ट्र मन्त्रालयं न्ह्यथंगु दु ।
थः समकक्षीलिसेया नापलायेज्या लिपा परराष्ट्रमन्त्री ज्ञवाली नेपाल–भारत संयुक्त अयोगया ६क्वःगु मुँज्याय् दुथ्यानादीगु धाःगु दु । आयोग नेपाल–भारत निगू पक्षीय संयन्त्र मध्ये दक्वःलय् च्वयेय्याःगु खः ।
मुँज्याय् निगू दर्जन सिवें अप्वः द्विपक्षीय संयन्त्रय् आः तक्क जूगु सहलह व सहमतिया समीक्षा जुइगु धाःगु दु ।
संयुक्त आयोगया मुँज्याय् नेपाल–भारत द्विपक्षीय स्वापू नापं व्यापार, ऊर्जा, सीमा, पारवहन, कोभिड–१९ सहकार्य, पूर्वाधार, कनेक्टिभिटी, लाय्, कृषि, पर्यटन लिसेंया विषयस सहलह जुइगु मन्त्रालयं न्ह्यथंगु दु ।
सीमासम्बन्धी मुद्दायात नेपालं विशेष कथं न्ह्यथनिगु तयारी याःसा नं भारतं उकियात सामान्इ सहलहस हे तयेगुलिइ मनंतुंगु दु । परराष्ट्रमन्त्री ज्ञवाली कन्हय् स्वदेश लिहाँझाइगु ज्याझ्व दु ।
Categorized in राजनीति
