नेपाल कम्युनिष्ट पार्टी (एमाले)या वरिष्ठ नेता झलनाथ खनाल व माधवकुमार नेपाल समूह न राष्ट्रिय कार्यकर्ता भेलाया लागि इन्चार्ज ल्यःगु दु ।

पूर्वप्रधानमन्त्रीपि खनाल–नेपाल निकट केन्द्रीय सदस्यपिनिगु थौं शनिवाः च्वःगु बैठकं भीम आचार्ययात प्रदेश १, घनश्याम भुसालयात प्रदेश २, अष्टलक्ष्मी शाक्ययात बागमती, सुरेन्द्र पाण्डेयात गण्डकी, युवराज ज्ञवालीयात लुम्बिनी व कर्णाली नाप भीम रावलयात सुदूरपश्चिम प्रदेश इन्चार्जया जिम्मेवारी बिःगु दु ।

अथेहे, रघुजी पन्तं युवा, गोकर्ण विष्टयात विद्यार्थी, प्रमेश हमाल बुद्धिजीवी व योगेश भट्टराईयात प्रचार विभाग प्रमुखया जिम्मेवारी बिःगु दु । ‘थ्व स्थायी इन्चार्जया जिम्मेवारी धाःसा मखु’ धका एमालेया छम्ह नेता धाःगु दु, ‘चैत ४ व ५ गते जुइगु अभियानया लागि जक खः।’ बैठकय् पार्टी अध्यक्ष केपी शर्मा ओलीं थः एकलौटी याःगु निर्णययात अस्वीकार यायेगु निर्णय याःगु दु। 

Categorized in राजनीति