वसन्त ऋतुइ हिमाल आरोहण याइपिं ६२६म्ह थ्यन
लहनान्यूज | चौलाथ्व पञ्चमी ११४१, वैशाख ४ शनिबाः
थीथी हिमाल आरोहणया नितिं मञ्जुरी काःपिं आरोहीपाखें ४५ क्वःति ध्येबा सिबें अप्वः राजस्व मूंगु पर्यटन विभागं न्ह्यथंगु दु ।
१६गू हिमाल आरोहणया नितिं ७१गू पुचःया सच्छि व ४५म्ह मिसापिं व प्यस व ९३म्ह मिजंपिं पाखें ४५ क्वःति १९गू लखः ५५द्वः व ४९४ ध्येबाया आरोहीपाखें मूंगु खः ।
हिमाल आरोहणया नितिं वसन्त ऋतुया ईलय् आःतकया दुने ६२६म्हेसियां मञ्जुरी काःगु दु । सरगमाथा, अन्नपूर्ण, धौलागिरी व ल्होत्सेलिसें थीथी १६गू हिमाल आरोहणया नितिं मञ्जुरी काःगु दु ।
पर्यटन विभागया कथं दक्वले अप्व सगरमाथा आरोहण नितिं ३३८म्हेसियां अनुमति काःगु दु ।
३६गू टोलीया २६६म्ह मिज व ६४म्ह मिसां सगरमाथा आरोहणया नितिं अनुमति काःगु खः । अथेहे ल्होत्से हिमाल आरोहणया नितिं आःतक १९म्ह आरोहीपिन्सं अनुमनति काःगु दु ।
अथेहे अन्नुपूर्ण हिमालयात नितिं ४४म्ह, धौगागिरी हिमालया नितिं ३०म्ह, आम दब्लम हिमालया नितिं २७म्ह, नुप्से हिमालया नितिं २३म्ह व मकाल हिमालया नितिं २०म्ह आरोहीपिन्सं अनुमति काःगु दु ।
