नेपाल कम्युनिस्ट पार्टी प्रचण्ड–माधव समूह न माघ २८ गते येँया भृकुटीमण्डपय् हे सभा याइगु जुगु दु । थ्व स्वया न्ह्यः माघ ९ गते भृकुटीमण्डपय्हे सभा याःगु खः । माघ २८ गते थुगु समूह न पुल्चोक, माइतीघर मण्डला, केशरमहल, त्रिपुरेश्वर व जमलं जुलुस पिकया रुट तय याःगु खः । पुल्चोकया जुलुसया नेतृत्व कृष्णबहादुर महरा, पम्फा भुसाल, रघुजी पन्त, प्रमेश हमाल लगायत नेतृत्व याइ ।

थुगु जुलुस कुपण्डोल, थापाथली, त्रिपुरेश्वर जुया सुन्धरा थ्यका मुल जुलुसय् मुनिइ । त्रिपुरेश्वरपाखे पिकाइगु जुलुसया नेतृत्व अष्टलक्ष्मी शाक्य, घनश्याम भुसाल, चक्रपाणि खनाल, जनार्दन शर्मा, मुकुन्द न्यौपानेपिन्स नेतृत्व याना थुगुे जुलुस सुन्धरा थ्यका मुल जुलस थ्यकिइ । माइतीघर मण्डलापाखे पिकाइगु जुलुसया नेतृत्व अमृतकुमार बोहरा, गणेश शाह, गिरिराजमणि पोखरेल, भीम आचार्य, मात्रिका यादव, हरिबोल गजुरेल न नेतृत्व याइ। थुगु जुलुस थापाथली, त्रिपुरेश्वर जुया सुन्धाराय् वनिइ।

केशरमहलपाखे पिकाइगु जुलुसया नेतृत्व देव गुरुङ, देवेन्द्र पाडेल, भीम रावल, शक्ति बस्नेतपिन्स नेतृत्व याइ। थुगु जुलुस दरबारमार्ग, तीनधारा पाठशाला, जमल, कमलाक्षी, असन, इन्द्रचोक जुया न्युरोडय् थ्यकिइ। जमलपाखे पिहा वइगु जुलुसया नेतृत्व धाःसा लिलामणि पोखरेल लगायतपिन्स याइ ।

थुगु जुलुस कमलादी, असन, इन्द्रचोक, जुद्धशालिक, न्युरोड जुया सुन्धारा थ्यकिइ । वया लिपा सुन्धारापाखे पिकाइगु मूल जुलुसं सुन्धारा, बीर अस्पताल, जमल, घण्टाघर, बागबजार, पुतलीसडक पद्योदय जुया प्रदर्शनीमार्गय् सभा जुइ। थुगु समूह न माघ २८ य् जुइगु जनप्रदर्शनयात निर्णायक जुइगु दाबी यागु दु।

संसद् विघटन विरुद्ध स्वगु चरणया आन्दोलन याना वयाच्वंगु थुगु समूह न पुस १४ व माघ ९ गतेय् येँ बृहत जनप्रदर्शन याये धुकुगु दु।

Categorized in राजनीति