नेपाल थ्री नेसन्स कप फुटबलया फाइनलय् दुहाँवन, उपाधिया नितिं कन्हय् न बंगलादेशलिसे म्हितीगु
चिल्लाथ्व पुन्ही ११३१, चैत्र १५ आइतबाः
नेपाल घरेलु मैदानय् न्ह्यानाच्वंगु थ्री नेसन्स कप अन्तराष्ट्रिय फुटबलया फाइनलय् दुहाँवंगु दु ।
त्रिपुरेश्वरस्थित दशरथ रंगशालाय् म्हिगः जूगु लिगया लिपांगु कासाय् बंगलादेशनाप गोलरहित ज्वलिंज्वः कासा म्हिताः फाइनलय् दुहाँवंगु खः ।
आ नेपालं कन्हय् जुइगु फाइनलय् न बंगलादेशनाप हे म्हिती । नेपालं २गु कासापाखें २गु हे ल्या मुंकूगु दु । नेपालं न्हापांगु कासाय् किर्गिस्तानया यू–२३ पुचःनाप गोलरहित ज्वलिंज्वः कासा म्हितूगु खः ।
बंगलादेश फाइनलय् दुहाँवंसां दकले न्ह्यःनय् दु । बंगलादेशं २गु कासापाखें ४गु ल्या मुंकूगु दु ।
बंगलादेशं न्हापांगु कासाय् किर्गिस्तानयात १–० गोल अन्तरं बुकूगु खः ।
