नेपालं येँ जुया च्वंगु थ्री नेसन्स कप फुटबलया उपाधि त्याकूगु दु। सोमवाः दशरथ रंगशालाय् जुगु फाइनल कासाय् बंगलादेशयात २–१ गोलं त्याका नेपालं उपाधि त्याकूगु खः ।

नेपालया लागि १८ गु मिनेटय् सञ्जोग राई व ४२ गु मिनेटय् विशाल राई नं गोल याःगु खः । बंगलादेशं ८३ गु मिनेटय् छगु गोल याःगु खः ।

थ्री नेसन्स कपय् नेपाल, बंगलादेश व किर्गिस्तानया २३ दँयापिनिगु टिम सहभागी जुगु खः । नेपाली टिमं १८ महिना लिपा थ्व हे न्हापागु पटक गोल याःगु खः ।

लिपागु पटक सन् २०१९ य् सेप्टेम्बरपाखे जूगु विश्वकप छनोटय् अन्जन विष्टं चाइनिज ताइपेइविरुद्ध याःगु खः । वया लिपा च्यागु कासाय् नेपालं छगु न गोल याये मफुगु खः। च्याम्पियन नेपालं ५ हजार अमेरिकी डलर पुरस्कार काःगु खः 

बंगलादेशं ३ हजार डलर काःगु खः । नेपाल व बंगलादेश फुटबलया फाइनल थ्व नाप स्वक्वगु पटक खः। थ्व स्वा न्ह्य सन् १९९४ य् न्हापागु साग व १९९९ य् च्याक्वःगु साग नाप निक्व फाइनल म्हिते धुकुगु दु।

मुख्य प्रशिक्षक बालगोपाल महर्जनं न्हापागु कासा नेपाली टिमय् निम्ह हिला अभिषेक रिजाल व रवि पासवानया थासय् विशाल राई व सुनील बलयात सोमवाः न्हापा ल्यगु खः ।

Categorized in कासा