नेपाः त्रिकोणात्मक टी–२० सिरिजय् न्हापांगु थासय्
चौलाथ्व दशमी ११४१,बैसाख ९ बिहीवाः
करण केसीया आक्रामक ब्याटिङ व सोमपाल कामी व सन्दीप लामिछानें समान स्वंगु विकेट कासेंलि त्रिकोणात्मक टी–२० लिग चरणया लिपांगु कासा नेपालं मलेसियायात ६९गू रनं बूकुगु दु ।
प्यंगु मध्ये स्वंगु कासा त्याका खुगू ल्या नापं नेपाः लिगया न्हापांग्ु थासय् लाना फाइन थ्यंगु खः । नेपालं आः उपाधिया नितिं शनिबाः नेदरल्याण्ड्सलिसें म्हितिइ ।
टर बुना ब्याटिङय याःगु नेपालं २०गू ओभरय् ७गू विकेट तंका २ सः व १७गू रन दयेकूगु खः । २सः व १८गू रनया हाथ्याय् मलेसियां १९.१गू ओभरय् सच्छि व ४८गू रन दयेका अलआउट जूगु खः ।
नेपाःया लागि सोमपाल कामी, कमल सिंह ऐरी व सन्दीप लामिछानें ३गू, ३गू विकेट काल । सुशन भारीं छगू विकेट काःगु खः । करणं प्यंगु ओभरय् २७गू रन छ्वल धाःसा विकेट कायेमफुत ।
