राज्यसत्ता पंचायती मानसिकतां ग्रसित जूगु अभियान्तापिनिगु द्वपं
लहनान्युज | सिल्लागाः चौथीगा ११४१, फागुन १९ बुधवाः
वर्तमान सरकारया राज्य सत्तां अभंm छगू भाय् नीतियात निरन्तरता बिया भाषिक दमन यानाहे च्वंगु अभियानकःमिपिन्सं धाल । बालाजु काण्डय् नेपालभाषा न्ववागु हुनिं प्रहरीं अभियानकःमीपिन्त ज्वंगुलिइ उकिया विरोधय् मंगलबाः वंघःलय् ग्वसाग्वःगु विरोध सभाया वक्तापिन्सं राज्यं थः हे संविधान क्वतेला माँभाय् यात दमन यायेगु ज्या यानाहे च्वंगु द्वपं बिल ।
ज्याझ्वलय् न्ववासें बालाजु काण्डय् वंगु बुधबाः ज्वना म्हिगः पिहाँवःम्ह महेश्वर मानन्धरं संविधान बिउगु माँभाषं न्ववायेगु अधिकार राज्यं लाकाकाय् मिलेजूला धकाः न्ह्यसः तयादिल । ‘जिं जिमि दाजुकिजालिसे माँभाय् न्ववाना, जित सुनां रोके याइगु ?’, मानन्धरं तँ पिज्वय्कल । ‘संविधानं बिउगु अधिकार लाका काइपिं प्रहरी प्रशासन छु संविधानसिबें च्वयेया खः ला ?’ वय्कलं धयादिल । बालाजुइ स्थानीयपिनिगु छेँ स्यंका सूचं केन्द्र दयेकेत्यंगु दावी यासें मानन्धरं न्ह्सः तल ‘छु राज्यया सूचं केन्द्र दयेकेत जनतापिनिगु छेँ स्यंकेगु खः ला ? गन दु संविधान बिउगु झिगू बासया अधिकार ?’
अथेहे अभियन्ता इन्दू ज्यापुनीनं नेपालभाषा न्ववायेगु छुँ अपराध मखुगु धासें नेपालभाषा न्ववात धकाः राज्य वा प्रहरी प्रशासनं अझ कारबाही यायेपूmसा याः धकाः चुनौती बियादिल । मेम्ह अभियन्ता श्रृजनमान श्रेष्ठं न्हापा पद्मरत्नयात जेलय् दुबलय् वय्कया माँलिसें तकं नेवाः भासं खँ ल्हाके मबिउगु स्याःचाः लुमंकुसें धाल, ‘थौं न पञ्चायतकाल खः न राजतन्त्र खः, जनतापिनिगु शासनय् थःगु माँ भाषं न्ववायेत रोक तःपिं सु खः ?’ राज्यसत्ता आः तकं नं पंचायती मानसिकतापाखें ग्रसित जुयाच्वंगु श्रेष्ठया धापू खः ।
वंगु बुधबाः बालाजुइ सर्वोच्च अदालतं रोक्का आदेश यानातःगु थासय् जबरजस्ती दयेकेज्या न्ह्याकाच्वंगु धासें स्थानीय मनुत विरोध ब्वःज्याय् याःगु खः । उगु ब्वःज्याया झ्वलय् महेश्वर मानन्धर, मीन शाही, रुक्षित श्रेष्ठ, संजय तामाङ, दिपेन श्रेष्ठ, व भिम देव श्रेष्ठयात ज्वंगु खः ।
ज्वंपिन्त नापलावंपिन्सं नेपालभाषं खँ ल्हाःगु धकाः प्रहरीं बल छ्यलेत स्वबलय् जूगु विवादया झ्वःलय् उपत्यकाव्यापी सतक वितार पीडित संघर्ष समिति नायः सुमन सायमीयात ज्वंगु खः । अथेहे पत्रकारयात किपा कायेत रोक तःगु धकाः विरोध याम्ह विरोचन श्रेष्ठयात नं प्रहरी ज्वंगु खः ।
ज्वंपिं दक्वसितं म्हिगः त्वतूगु दु । रिहा जुईधुंका अभियानकःमिपिं दक्वं वंघःया विरोधसभाय् सभागी जुयादीगु खः । रिहा जूपिं अभियानकःमपिं वंघःलय् थ्यनेवं मैनवत्ती ¥याली पिकाना शहरया थीथी थाय् चाह्यूगु खः ।
विजयोत्सवलिसें राज्यं तयातःगु भूमि लिसें भाषिक, सांस्कृतिक दमनया विरोधस्वरुप मैनवत्ती ¥याली यानागु ग्वसाःखलःपिन्सं धाःगु दु । वंघःलं न्ह्याना क्षेत्रपाटी थ्यना क्वचाइगु जूसा नं ¥याली हाकनं कालिमाटी थ्यंगु खः । रिहा जूपिं अभियानकःमीपिन्त कालिमाटीइ हंगु खः ।
