राष्ट्रिय फुटबल टिमयात उपाधि लिसें म्होतिं छगू लखः तंसा सिरपा
चिल्लागा द्धितीया ११४१, चैत्र १७ मंगलवाः
सोमबाः जूगु त्रिदेशीय कप फुटबलया उपाधि त्याकेत ताःलागु नेपाली राष्ट्रिय फुटबल टिमयात अखिल नेपाल फुटबल संघ एन्फां सिरपाया घोषणा याःगु दु ।
३७दँ लिपाः नेपाली भूमिया उपाधि त्याकूगु नेपाली टोलीयात सिरपा कथंया न्याद्वः अमेरिकी डलर लिसें कासामीपिन्त म्होतिं छगू÷छगू लखः थपू याना बिइगु एन्फा न्ह्यथनादिल ।
एन्फा प्रवक्ता किरण राईं २३म्ह कासामीपिन्त सिरफा ध्येबा लिसें छगू छगू लखः एन्फां बिइगु निर्णइ जूगु जानकारी बियादिल । प्रशिक्षकया हकय् धाःसा लिपाः निर्णय जुइगु राईं जानकारी बियादिल ।
कीर्गिस्तानया तकं ब्वति दूगु त्रिदेशीय कप फुटबलय् सोमबाः जूगु फाइनल कासाय् नेपालं बंगलादेशयात १–२ गोलं बुकूगु खः ।
घरेलु भूमिइ ३७दँ न्ह्यः नेपाली सिनियर टिमं सन् १९८४ य् जूगु न्हापांगु दक्षिण एसियाली खेलकुद सागय् लुँया तक्मा त्याकूगु खः । को स्वर्णपदक जितेको थियो ।
