कोरोना भाइरस (कोभिड–१९) न्हुगु प्रकार नेपालय् दुहावःगु पुष्टि जुगु दु । पुसया न्हापागु वाय् बेलायतपाखे वःपि स्वम्हेसित न्हुगु कोरोना भाइरसया संक्रमण जुगु पिहावःगु दु। पुसया न्हापागु वाय् बेलायतपाखे वःपि खुम्हेसित कोरोना संक्रमण जुगु धका पुस १३ गते पुष्टि जुगु खः। तर जिन सिक्वेन्सिङ मजुगुया कारण न्हुगु प्रकार खः वा मखु धका खुले मजुगु खः। 

स्वास्थ्य तथा जनसंख्या मन्त्रालयया कथं पुस २७ गते उमिगु नमुना हङकङ प्रयोगशालाय् छ्वःगु खः । उकि मध्ये स्वम्हेसित न्हुगु कोरोना भाइरस पुष्टि जुगु दु। २८ दँया मिसा, ३२ व ६७ दँया मिजंपिंके न्हुगु प्रकारया भाइरस खने दुगु खः।

उकि मध्ये २८ दँया मिसा व ३२ दँ या मिजंयाके नेगेटिभ जुइ धुकुगु दु सा ६७ दँ दुम्ह मिजयाके आः न पोजेटिभ जुगु दु। तर वयाके लक्षण मदुगु धका स्वास्थ्य मन्त्रालयया प्रवक्ता डा. जागेश्वर गौतमं धाःगु दु ।

Categorized in राष्ट्रिय