नेपाल संवत न्हूदँ राष्ट्रिय समारोह समिति ११४२ या ग्वसालय् येँया नेपाः ब्यांक्वेटय् नेपाल संवतया प्रवर्तक शंखधर साख्वाःया मूर्ति उलेज्या जूगु दु।

उगु ज्याझ्वलय् वंगु न्हूदँ ११४० भिंतुना ¥यालीइ ब्वति काःगु थीथी खलः पुचःया बाजं खलःयात केपु इनेज्या न जुगु दु। नेवाः न्ह्यलुवाः मल्ल के सुन्दरं समारोह समितिं पलिस्था याउगु शंखधरया मूर्ति उलेज्या यानादीगु खः। उगु मूर्ति कलाकार सन्तकुमार महर्जनं मूर्ति दयेकूगु खः।

ज्याझ्वलय् येँ महानगरपालिकाया उपमेयर हरिप्रभा खड्गी श्रेष्ठ, नेवाः न्ह्यलुवाः मल्ल के सुन्दर, समारोह समितिया सल्लाहकार डा. त्रिरत्न मानन्धरपिन्सं न्हूदँय् ब्वति काःगु १६८ गू खलः पुचःया बाजं खलःयात खादा न्ययेकाः केपु लःल्हाःगु खः ।

न्हूदँ समारोह समिति ११४२ या नायः निरञ्जनरत्न शाक्यया सभापतित्वय् जूगु उगु ज्याझ्वलय् लसकुस मचाराजा महर्जनं यानादीगु खःसा न्हूदँ ११४२ या सकतां ज्याझ्वःया धलः ज्योति शाक्यं ब्वनाः न्यंकादीगु खः ।समितिया दुजः उमेश स्थापितं न्ह्याकादीगु उगु ज्याझ्वलय् सुभाय् नानीहेरा महर्जनं बियादीगु दु। 

Categorized in राष्ट्रिय