नेपाल संवत आन्दोलनया प्रणेता पद्मरत्न तुलाधर मदुगु स्वक्वःगु पूण्यतिथिइ न्हूदँ समारोह समिति ११४२ पाखें वय्कलं नेपाल संवत आन्दोलनया नितिं यानादीगु योगदानयात लुमंकाः येँया शंखधर पार्कय् येँ महानगरपालिकां पलिस्था यानातःगु झ्वाताय् माल्यार्पण ज्याझ्वः याइगु जूगु दु।

समारोह समितिं बिउगु जानकारी कथं ने.सं. ११४२ कछलाथ्व द्वादसी (कार्तिक १६ गते) मंगलवाः सुथय् ७ ता इलय् समारोह समितिया सकल दुजःपिं व तुलाधरप्रति आस्था दुपिं व्यक्तित्वपिं मुनाः वय्कःया झ्वाताय् माल्यार्पण यायेगु ज्याझ्वः तयातःगु खः।

Categorized in राष्ट्रिय