प्रधानन्यायाधीश चोलेन्द्र शमसेर जबराया राजीनामा माग यासे कानून व्यवसायीपिन्स थौं न प्रदर्शन याउगु दु।

नेपाल बार एशोसिएसनपाखे वकिलपिन्स हाकू ब्यानर ज्वना प्रदर्शन सुर याउगु दु। बारपाखे सर्वोच्च अदालतय् वना १ घण्टा धर्ना बिउगु कार्यक्रम तःगु दु। वकिलपिन्स स्वन्ति न्ह्यः हे बारया नेतृत्वय् विरोध ज्याझ्वः याना वयाच्वंगु खः।

आः मेगु न्हुगु ज्याझ्व हयेगु तयारी दुगु इलय् बारं थौं न प्रदर्शनयात निरन्तरता बिउगु दु। प्रधानन्यायाधीश जबराया विकृति, विसंगति, भ्रष्टाचार रोके याये मफुगु व न्यायपालिकाया स्वच्छता, गरिमा कायम तये मफुगु धका धासे नेपाल बार एशोसिएस नं राजीनामा माग यासे विरोधय् कुहा वःगु खः।

थ्व हे कात्तिक १२ गते च्वंगु बारया बैठकं जबरायात प्रधानन्यायाधीश पदं राजीनामा बिइत न्यान्हुया ई बिइगु निर्णय याउगु खः। तर जबरां आः तक न राजीनामा बिउगु मदुनि।

Categorized in राष्ट्रिय