वंगु २४ घण्टाया दुने देयन्यक थप ३९० म्हेसित कोरोना भाइरस संक्रमण पुष्टि जुगु दु।

स्वास्थ्य तथा जनसंख्या मन्त्रालयया कथं २,६०६ म्हेसिगु पीसीआर परीक्षणय् ३७१ म्ह व २,४२० म्हेसिगु एन्टिजेन परीक्षणय् १९ म्ह याना ३९० म्हेसित संक्रमण पुष्टि जुगु दु।

अथेहे २४ घण्टाया दुने थप न्याम्ह कोरोना संक्रमणं मन्त। ४२५ म्ह कोरोनामुक्त जुगु दु।

स्वास्थ्य मन्त्रालयया कथं दकलय् अप्वो येँ ११७, रुपन्देहीइ ४४, मोरङय् ३०, कास्कीइ २६, यलय् २०, चितवन व ख्वपय् १५÷१५ म्ह व कैलालीइ १२ म्हेसित कोरोना संक्रमण पुष्टि जुगु खः।

Categorized in राष्ट्रिय