प्रधानन्यायाधीश चोलेन्द्रशम्शेर जबराया राजीनामा माग याना आन्दोलन यानाच्वंपि वकिलपिन्स थौं स्वनिगःया दक्को अदालत व न्यायाधिकरणय् धर्ना बिइगु जुगु दु।

नेपाल बार एशोसिएसनं घोषणा याउगु निगुगु चरणया आन्दोलन कार्यक्रम अन्तर्गत थौं सुथय् १० बजेनिसे १२ बजे तक हाकूगु पट्टी चिना अदालत व न्यायाधिकरणय् धर्ना बिइ त्यंगु खः।

नेपाल बारं थ्व स्वया न्ह्यः सर्वोच्च अदालत परिसरय् प्रदर्शन व धर्ना बिया वयाच्वंगु खः। बारं प्रधानन्यायाधीशयागु राजीनामा बिइत अल्टिमेटम बिउगुसा राजीनामा मबिउगुलि आन्दोलन दिउगु मदुनि।

बारं स्वन्तिया बिदा सिधयेवं निगुगु चरण अन्तर्गत थप आन्दोलनया ज्याझ्वःया घोषणा याउगु खः। प्रधानन्यायाधीशयात सर्वोच्चया न्यायाधीशपिन्स हे असहयोग याना वयाच्वंगु खः।

तर प्रधानन्यायाधीशं न्हिन्हि पेसी तोके यानाच्वंगु दु।

Categorized in राष्ट्रिय