नेवाः पत्रकार राष्ट्रिय दबू ख्वप कच्चाया च्याक्वःगु साधारण  क्वचाल।

दबूया केन्द्रिय अध्यक्ष सुरजबिर बज्राचर्यं नेवाः पत्रकारपिनिगु हकहितया लागि स्थापना जुगु धका धासे दबू न नेवा पत्रकारपिनिगु क्षमता अभिबृद्धिया तालिम आवश्यक दु धका धयादीगु खः। उगु ज्यााझ्वलय् नेपाल सम्वत ११४२ या क्यालेन्डर न बिमोचन याउगु दु।

राससया पत्रकार रत्न श्रेष्ठं थः मां अबुया नामं नगद १० हजार नाप मदुपि हरिलाल श्रीलक्ष्मी स्मृति नेवाः पत्रकारिता पुरस्कारया स्थापना यायेगु ब्यवस्था जुगुलि नेवाः पत्रकारपिन्त उत्साह जुइगु ज्या जुगु धका धाउगु दु। अथेहे दबूया केन्द्रिय सचिव केके मानन्धरं नेवाः पत्रकारपि यक्को दु सा अझ न मुख्य थासय् थ्यके मफुगु व संचार क्षेत्रय् न्ह्यन च्वना ज्याये मफुगु धका धाउगु दु।

ज्याझ्वःया सभाध्यक्षता दबू ख्वप कचा अध्यक्ष रामगोपाल तमखु न थःगु कार्यकालया न्हापांगु दँ छु भचा ज्या जूसा कोभिडया कारण गुलि यायेमाःगु उलि मजुगु धका धाउगु खः।

अथेहे केन्दया सहकोषाध्यक्ष बाबुकाजी साछें श्रेष्ठं न थःगु बिचाः तयादीगु खः।

Categorized in राष्ट्रिय