निवाः न्ह्यःनिसे आन्दोलनर याना वयाच्वंपि कानून व्यवसायीपिन्स थौं न सर्वोच्च अदालतया गेटय् धर्ना बिउगु दु।

प्रधानन्यायाधीश चोलेन्द्रशमशेर जबरायात मुख्य प्रवेशद्वारय् हे रोके यायेगु तयारी कथं कानून व्यवसायीपिन्स कार्यालय ई न्ह्यः गेटय् धर्ना बिउगु दु। वंगु शुक्रबाः न प्रधानन्यायाधीश जबरायात रोके यायेगु उद्देश्यं कानून व्यवसायीपिन्स प्रदर्शन याउगु खः।

तर प्रधानन्यायाधीश जबरा मेगु गेटपाखे सर्वोच्च अदालत दुहावंगु खः। नेपाल बारया कार्यालयपाखे सर्वोच्च दुहावनिगु गेट थौं बन्द याउगु दु।

Categorized in राष्ट्रिय