वंगु २४ घण्टाया दुने देयन्यक थप ३०६ म्हेसित कोरोना भाइरस संक्रमण पुष्टि जुगु दु।

८ हजार ८ म्हेसिगु पीसीआर परीक्षण याउगुलि २९१ म्ह व १ हजार ५ सय ९८ म्हेसिगु एन्टिजेन परीक्षण याउगुलि १५ म्ह याना ३०६ म्हेसित कोरोना संक्रमण खनेदुगु दु धका स्वास्थ्य तथा जनसंख्या मन्त्रालयं धाउगु दु।

अथेहे २४ घण्टाय् कोरोना संक्रमणं खुम्ह सीउगु दु सा ३४८ म्ह कोरोनामुक्त जुगु दु। वंगु २४ घण्टाया दुने स्वनिगलय् थप १८७ म्हेसित कोरना संक्रमित जुगु दु।

थौं येँ १२६, ख्वपय् १८ व यलय् ४३ म्ह संक्रमितपि थपे जुगु खः।

Categorized in राष्ट्रिय