सरसफाइ व स्वच्छतायउा लागि येँँ महानगरया कर्मचारीपिनिगु न्हापागु चरणया तालिम क्वचागु दु। महानगरया २०म्ह अधिकारीपि विश्वविद्यालयया ग्लोबल स्यानिटेसन ग्राजुएट स्कूल (जीएसजीएस) प्राजेक्टअन्तर्गत सरसफाइ विषय व्यवसायिक तालिम (प्रफेसनल लर्निङ् कोर्स—पिएलसि) कयाच्वंगु दु।

 

थाइल्याण्डय् च्वंगु एशियन इन्टिच्युट अफ टेक्नोलोजी (एआइटी) य् छवाः कक्षाय् सहभागी जुइ खनिगु जुगु दु। तालिम व्यवस्थापनया लागि महानगरया मेयर प्रशासकीय अधिकृत राजेश्वर ज्ञवालीया संयोजकत्वय् काठमाडौं विश्वविद्यालयपाखे छम्ह व एआइटीपाखे छम्ह प्रतिनिधिपि याना स्वम्हेसिगु समितिं ज्या याइ।

 

थौं छगु औपचारिक ज्यााझ्वः दथुइ न्हापागु चरण क्वचागु जानकारी बिउगु खः। उगु ज्याझ्वलय् एआइटीया शैक्षिक मामिला उपाध्यक्ष प्रा. डा. शोभाकर ढकालं, येँ महानगरं कर्मचारीपिन्त व्यवसायिक तालिम उपलब्ध याकेगु हे सहरी व्यवस्थापन बालाइगु बिचाः तयादीगु खः। विश्वया सहरय् कार्वनमुक्त दयकेमाःगुलि बःबिउगु दु।

 

थज्याउगु तालिम सञ्चालन यायेत महानगरपालिका व काठमाडौं विश्वविद्यालय दथुइ ०७७ फागुन १४ गते सहमति पत्रय् हस्ताक्षर याउगु खः। महानगरया मेयर विद्यासुन्दर शाक्यया रोहवरय् महानगरकपाखे प्रमुख प्रशासकीय अधिकृत राजेश्वर ज्ञवाली व विश्वविद्यालयकापाखे स्कूल अफ इञ्जिनियरिङ्या डीन डा. डम्बरबहादुर नेपालीं सम्झौता पत्रय् हस्ताक्षर याउगु खः।