सरकारं  न्हापांगु ई पासपोर्ट (विद्युतीय राहदानी) बाङ्मय शताब्दी पुरुष सत्यमोहन जोशीयात बिउगु दु।

थौं बुधबाः त्रिपुरेश्वरय् राहदानी विभागय् जूगु छगु ज्याझ्वलय् परराष्ट्र मन्त्री डा.नारायण खड्कां शताब्दीपुरुष जोशीयात ई पासपोर्ट लःल्हानादीगु खः। सरकारं मेसिन रिडेबल पासपोर्ट (एमआरपी) यात विस्थापित यायेगु यानाः हःगु ई पासपोर्ट दयेकेत बुधबाःनिसें हे अनलाइन बुकिङया व्यवस्था याःगु राहदानी विभागया महानिर्देशक डोरनाथ अर्यालं धयादिगु खः।

छुं दिं लिपा  राहदानी विभागपाखें ई पासपोर्ट वितरण यायेगु धकाः वय्कलं धयादिगु खः। महानिर्देशक अर्यालया कथं ई पासपोर्ट वितरण सुरु जुसाः नं मेसिन रिडेबल पासपोर्ट वितरणयात नं निरन्तरता बिइ।

ई पासपोर्टया अनलाइन बुकिङया लागि राष्ट्रिय परिचयपत्र नम्बर अनिवार्य याःगु दु। डिसेम्बरया १०÷१२ तारेखतक प्रणालीइ खनेदुगु प्राविधिक समस्या ज्यंका ई पासपोर्टमात्र वितरण यायेधका धाउगु खः।

Categorized in राष्ट्रिय