सरकारं लल्हाइगु विभूषण, तक्मा व अलंकार वापत प्रहरी कर्मचारीपिन्त वइगु अंक खारेज जुइगु दु।

कार्यसम्पादन मूल्यांकनय् अंक जोडे याइगुलि विभूषण कायेत अस्वस्थ प्रतिष्पर्धा अप्वोगु निष्कर्ष नाप प्रहरी प्रधान कार्यालय, नक्सालं विभूषण वापतया अंक खारेज यायेगु प्रस्ताव गृह मन्त्रालयय् यकूगु दु। गृहं उगु कथं वइगु २ अंक हटे यायेगु प्रहरी नियमवाली संशोधनया प्रस्ताव मन्त्रिपरिषदय् यकूगु दु। मन्त्रिपरिषदया क्वयाउगु दर्जाया प्रहरी कर्मचारीपिनिगु मनोबल थकायेत निगु दर्जा थपे यायेगुे प्रस्ताव न निर्णायार्थ पेश जुइत्यंगु दु।

महानिरीक्षक शैलेश थापा क्षेत्रीं प्रहरीया क्वयाउगु दर्जाया कर्मचारीपिनिगु मनोबल व समस्याबारे अध्ययन न याउगु दु। उगु कथं हे निर्णय जुइत्यंगु दु। गृहं वंगु निर्णय अर्थ मन्त्रालय व लोक सेवा आयोग न स्वीकृति बिइ धुकुगु दु।

थुगु प्रस्ताव मन्त्रिपरिषद् पाखे स्वीकृत जुलकि प्रहरीइप्रहरी नायब निरीक्षक (सई) व प्रहरी निरीक्षकया दथुइ वरिष्ठ सई नाप जवान व प्रहरी सहायक निरीक्षक (असई) या दथुइ सहायक हवल्दार व वरिष्ठ हवल्दार पद थपे यायेगु प्रस्ताव याउगु दु।

Categorized in राष्ट्रिय