थुगु दँया थौं दकलय् कम तापक्रम
लहनान्युज | कछलाथ्व त्रयोदशी ११४२, मंसीर १ बुधवाः
स्वनिगलय् थौं दकलय् ख्वाउगु महसुस याउगु दु।जल तथा मौसम विज्ञान विभागया कथं थौं बुधबाः येँ न्यूनतम तापक्रम थुगु दँया दकलय कम ७ दशमलव ४ डिग्री सेल्सियस मापन जुगु दु। मङ्गलबाः येँे न्यूनतम तापक्रम ८.० डिग्री सेल्सियस जुगु खः।
स्वनिगः नाप देयन्यक १ निसे २ डिग्री सेल्सियस तक तापक्रम घटे जुगु दु धका मौसम पूर्वानुमान महाशाखां धाउगु दु।
महाशाखाया कथं नेपाली वायुमण्डलय् पश्चिमी वायुया प्रभावनाप चिकूगु सुरु जुगु दु। अथेहे थौं दकलय कम जुम्लाय् न्यूनतम तापक्रम माइनस ४ दशमलव ५ डिग्री व दकलय् अप्वो जनकपुरय् अधिकतम तापक्रम २९ दशमलव २ डिग्री सेल्सियस जुगु दु।
Categorized in राष्ट्रिय
